Էրդողանը հաջորդ ամիս կայցելի Ադրբեջան

Թուրքիայի նախագահ Ռեջեփ Թայիբ Էրդողանը հաջորդ ամիս կայցելի Ադրբեջան։

Ինչպես հաղորդում է Report-ը՝ հղում անելով A Haber հեռուստաալիքին, Ադրբեջան կատարելիք այցը ներառված է Թուրքիայի առաջնորդի մայիս ամսվա աշխատանքային ծրագրում։

Բացի այդ, ապրիլի 29-ին Էրդողանը կմեկնի Իտալիա՝ մասնակցելու IV Միջկառավարական գագաթնաժողովին։ Մայիսի 3-ին նա կմասնակցի TEKNOFEST տեխնոլոգիական փառատոնին, որը կանցկացվի Հյուսիսային Կիպրոսի Թուրքական Հանրապետությունում։ Հունիսին սպասվում է Թուրքիայի նախագահի այցը ԱՄՆ մայրաքաղաք Վաշինգտոն։