Էրդողանը մեկնաբանել է՝ Թուրքիայի, Ադրբեջանի և Ուզբեկստանի նախարարների հանդիպումը

Թուրքիայի նախագահ Ռեջեփ Թայիբ Էրդողանը ընդգծել է թուրքական պետությունների համագործակցության կարևորությունը՝ մեկնաբանելով Թուրքիայի, Ադրբեջանի և Ուզբեկստանի արտաքին գործերի,  տնտեսության և տրանսպորտի նախարարների հանդիպումը։
 
Ինչպես հաղորդում է Trthaber-ը, այս մասին Թուրքիայի ղեկավարը հայտարարել է Նախարարների կաբինետի նիստից հետո։
 
Նա նշել է, որ թուրքական աշխարհը մեծ նշանակություն է տալիս բոլոր ուղղություններով միասնության սկզբունքին և հույս է հայտնել գործընկերության հետագա ամրապնդմանը։
 
Հիշեցնենք, որ երեք երկրների նախարարների հանդիպումը կայացել է հունվարի 29-ին Անկարայում։