Հաջիզադեն՝ Թյուրքին. Միայն ճշմարտության բացահայտումը թույլ կտա խաղաղությանն ու հաշտությանը՝ հաղթանակ տանել անպատժելիության նկատմամբ

Խաղաղություն հաստատելուն ուղղված  ջանքերի ճանաչումը չպետք է մթագնի ամբողջական պատկերը։ Արդարության հասնելու համար անհրաժեշտ է պատասխանատվության ենթարկել բոլոր նրանց, ովքեր մեղադրվում կամ դատապարտվում են ռազմական հանցագործությունների, էթնիկ զտումների, ռազմական ագրեսիայի, խոշտանգումների և այլ ծանր հանցագործությունների համար:
 
Ինչպես տեղեկացնում է Report-ը, այս մասին հայտարարել է Ադրբեջանի արտաքին գործերի նախարարության մամուլի քարտուղար Այխան Հաջիզադեն՝ մեկնաբանելով ՄԱԿ-ի Մարդու իրավունքների գերագույն հանձնակատար Ֆոլքեր Թյուրքի հայտարարությունը։
 
«Ճշմարտության ապահովումը, զոհերի համար արդարության  վերականգնումը և օրենքի գերակայության պահպանումը պահանջում են արդար դատավարություն՝ միջազգային իրավական չափանիշներին համապատասխան: Միայն ճշմարտության բացահայտումը և հանցագործությունների հետևանքների վերացումը թույլ կտան խաղաղությանն ու հաշտությանը՝ հաղթանակ տանել անպատժելիության նկատմամբ»,- ընդգծել է Ա.Հաջիզադեն: