ՀԿԹՀ խորհրդարանի նախագահն ընդունել է ադրբեջանցի պատգամավորներին

Հունվարի 30-ին Լեֆկոշայում Հյուսիսային Կիպրոսի Թուրքական Հանրապետության (ՀԿԹՀ) խորհրդարանի նախագահ Զիյա Օզթյուրքլերն ընդունել է Միլլի Մեջլիսի մի խումբ անդամների, ոչ կառավարական կազմակերպությունների ներկայացուցիչների և լրագրողների, ովքեր ժամանել են ՀԿԹՀ՝ մասնակցելու Կիպրոսի հետազոտության 2-րդ միջազգային գիտաժողովին:

Ինչպես հայտնում է AZERTAC-ը, հունվարի 31-ին մեկնարկող գիտաժողովին կմասնակցեն 52 հրավիրված հյուրեր 12 երկրներից, այդ թվում՝ Ադրբեջանից և Ղազախստանից։

Միջոցառման կազմակերպիչ, Թուրքական միասնության համերաշխության ասոցիացիայի (Türk-Bir) նախագահ, պրոֆեսոր Գյուվեն Արըքլըն հայտարարել է, որ գիտաժողովի նպատակն է բարձրացնել համաշխարհային հանրության իրազեկվածությունը ՀԿԹՊ իրողությունների մասին։

ՀԿԹՀ խորհրդարանի նախագահն իր հերթին ընդգծել է նման նշանակալի նախաձեռնություններին աջակցելու իր պատրաստակամությունը։