Խիվայում կանցկացվի ադրբեջանա-ուզբեկական առաջին միջխորհրդարանական ֆորումը

Հուլիսի 1-2-ը Խիվա քաղաքում կկայանա «Նոր հորիզոնների որոնում. երկխոսությունից դեպի համատեղ գործողություններ» թեմայով ադրբեջանա-ուզբեկական առաջին միջխորհրդարանական ֆորումը։

Ինչպես հաղորդում է Caliber.Az-ը, այս մասին ասվում է Օլիյ Մեջլիսի Սենատի մամուլի ծառայության հայտարարության մեջ:

Ֆորումին կմասնակցեն Ուզբեկստանի Օլիյ Մեջլիսի և Ադրբեջանի Միլլի Մեջլիսի անդամները, ինչպես նաև երկու երկրների երիտասարդական խորհրդարանների ներկայացուցիչները։

Ֆորումի նպատակն է նպաստել միջխորհրդարանական համագործակցության խորացմանը, փորձի փոխանակումը օրենսդրական գործունեության և խորհրդարանական վերահսկողության իրականացման ոլորտում, ինչպես նաև նպաստել ամենաբարձր մակարդակով ձեռք բերված համաձայնությունների իրականացմանը։

«Ֆորումի արդյունքներով նախատեսվում է ընդունել ամփոփիչ փաստաթուղթ, որն ուղղված է ռազմավարական գործընկերության հետագա ամրապնդման, երկկողմ համագործակցության ընդլայնման և համատեղ նախաձեռնությունների արդյունավետ իրականացման համար իրավական շրջանակի կատարելագործմանը», - ընդգծվում է հաղորդագրության մեջ։