Լու Մեյ. Չինաստանը պատրաստ է աշխատել Ադրբեջանի հետ՝ կարևոր համաձայնագրերը կյանքի կոչելու համար

Չինաստանը և Ադրբեջանը լավ բարեկամներ և հուսալի գործընկերներ են։ Երկու երկրների միջև դիվանագիտական հարաբերությունների հաստատումից ի վեր 33 տարվա ընթացքում մեր կապերը զարգացել են ներդաշնակ և կայուն, տարբեր ոլորտներում արդյունավետ համագործակցությունը հզոր ազդակ է հաղորդել մեր պետությունների զարգացմանն ու վերածննդին, իրական օգուտներ է բերել մեր ժողովուրդներին։

Ինչպես հաղորդում է AZERTAC-ը, այս մասին հայտարարել է Ադրբեջանում Չինաստանի արտակարգ և լիազոր դեսպան Լու Մեյը՝ Չինաստանի Ժողովրդա-ազատագրական բանակի հիմնադրման 98-ամյակի կապակցությամբ Բաքվում կայացած պաշտոնական ընդունելության ժամանակ։

«Այս տարվա ապրիլին, նախագահ Իլհամ Ալիևի Չինաստան կատարած երրորդ պետական այցի ընթացքում, պետությունների ղեկավարներ Սի Ծինպինը և Իլհամ Ալիևը ստորագրել են համապարփակ ռազմավարական գործընկերության հաստատման վերաբերյալ համատեղ հայտարարություն։ Սա նոր պատմական էջ է բացել չին-ադրբեջանական հարաբերություններում։ Չինաստանը պատրաստ է աշխատել Ադրբեջանի հետ՝ մեր առաջնորդների կողմից ձեռք բերված կարևոր պայմանավորվածությունները կյանքի կոչելու և մեր ժողովուրդների բարօրության համար փոխշահավետ համագործակցություն զարգացնելու համար», - ընդգծել է Լու Մեյը։