Մենք երբեք չենք մոռանա Ադրբեջանի աջակցությունը. Ուկրաինայի դեսպան

2025 թվականի փետրվարի 6-ին մենք նշում ենք Ուկրաինայի և Ադրբեջանի Հանրապետության միջև դիվանագիտական հարաբերությունների հաստատման 33-րդ տարեդարձը։ Այս կարևոր տարեթիվը խորհրդանշում է մեր երկրների միջև բարեկամությունը, փոխադարձ աջակցությունը և ռազմավարական գործընկերությունը։ Երեք տասնամյակների ընթացքում մենք ամրապնդել ենք կապերը քաղաքական, տնտեսական, հումանիտար և մշակութային ոլորտներում՝ ամուր հիմք ստեղծելով հետագա համագործակցության համար։

Ինչպես հայտնում է Caliber.Az-ը, այս մասին Ուկրաինայի և Ադրբեջանի միջև դիվանագիտական հարաբերությունների հաստատման 33-րդ տարեդարձին նվիրված իր հոդվածում գրել է Ադրբեջանում Ուկրաինայի դեսպան Յուրի Գուսևը։

Դեսպանի խոսքով, մեր դիվանագիտական հարաբերությունները խորը պատմական արմատներ ունեն։

«Մեր երկրները հետևողականորեն աջակցում են միմյանց տարածքային ամբողջականությանը և ինքնիշխանությանը՝ պահպանելով միջազգային իրավունքի հիմնարար սկզբունքները: Ադրբեջանը հուսալի գործընկեր է Ուկրաինայի համար առևտրի և էներգետիկայի ոլորտներում: Մեր երկրների միջև ապրանքների և ծառայությունների շրջանառությունը, 2022 թվականին զգալի անկումից հետո, վերականգնվում և աստիճանաբար աճում է, իսկ ռազմավարական ենթակառուցվածքային նախագծերը, ինչպիսին է տրանսպորտային միջանցքի զարգացումը, նոր հնարավորություններ են բացում բիզնեսի և տարածաշրջանային համագործակցության համար։

Մենք անկեղծորեն երախտապարտ ենք, որ Ուկրաինա ռուսական լայնամասշտաբ ներխուժման առաջին իսկ օրերից Ադրբեջանը աջակցում է, մարդասիրական օգնություն է ցուցաբերում և օժանդակում տարածքների ականազերծմանը։ Մենք դա բարձր ենք գնահատում և երբեք չենք մոռանա»։