Մենք կշարունակենք զարգացնել համագործակցությունը Ադրբեջանի հետ բոլոր ոլորտներում. Շահբազ Շարիֆ

Պակիստանի վարչապետ Շահբազ Շարիֆը ողջունել է Լահորի և Բաքվի միջև ուղիղ չվերթների վերականգնումը, հայտնում է Trend-ը։

«Ջերմորեն ողջունում եմ Pakistan International Airlines-ի (PIA) կողմից Լահորի և Բաքու միջև ուղիղ չվերթների վերականգնումը երկամյա դադարից հետո: Սա կարևոր նշանակություն ունի զբոսաշրջության զարգացման և մեր եղբայրական երկրների միջև տարածաշրջանային կապերի ամրապնդման առումով:

Մենք հավատարիմ ենք մնում Պակիստանի և Ադրբեջանի միջև եղբայրական հարաբերությունների հետագա ամրապնդմանը և կշարունակենք զարգացնել համագործակցությունը բոլոր ոլորտներում»,- ասված է վարչապետի հայտարարության մեջ։