Մտադիր եմ նպաստել Ադրբեջանի հետ համագործակցության զարգացմանը. Թուրքիայի դեսպան

Ադրբեջանում Թուրքիայի նորանշանակ դեսպան Բիրոլ Աքգյունը հայտարարել է երկու երկրների միջև համագործակցության և եղբայրական կապերի զարգացմանը նպաստելու մտադրության մասին։

Ինչպես հայտնում է Caliber.Az-ը, այս մասին դիվանագետը գրել է Х սոցիալական ցանցի իր էջում:

«Այս պատվավոր առաքելության շրջանակներում ես կշարունակեմ նպաստել Թուրքիայի և Ադրբեջանի միջև համագործակցության, եղբայրական և դաշնակցային հարաբերությունների զարգացմանը բոլոր ոլորտներում՝ «մեկ ազգ, երկու պետություն» սկզբունքի հիման վրա»,- նշել է դիվանագետը։

Աքգյունը նաև երախտագիտություն է հայտնել Թուրքիայի նախագահ Ռեջեփ Թայիբ Էրդողանին և արտգործնախարար Հաքան Ֆիդանին՝ Ադրբեջանում դեսպան նշանակվելու համար։