Գուսև. Կիևը Բաքվի հետ բանակցություններ է վարում՝ գազի մատակարարման երկարաժամկետ պայմանագրի կնքման շուրջ

Ուկրաինան Ադրբեջանի հետ բանակցություններ է վարում գազի մատակարարման երկարաժամկետ պայմանագրի կնքման շուրջ։
 
Այս մասին Report-ին հայտարարել է Ադրբեջանում Ուկրաինայի դեսպան Յուրի Գուսևը։
 
«Մենք բանակցություններ ենք վարում այս հարցի շուրջ և ձգտում ենք մեր երկրների միջև էներգետիկ հատվածում ավելի սերտ համագործակցության», - ասել է նա։
 
Գուսևը հիշեցրել է, որ երկու երկրների միջև  ստորագրվել  է ադրբեջանական գազի մատակարարման առաջին պայմանագիրը՝ Տրանսբալկանյան միջանցքով։
 
«Մենք հույս ունենք հետագա քայլերի՝ էներգետիկայի, երկկողմ առևտրի, մարդասիրական հարցերի, կրթության ոլորտներում համագործակցության զարգացման գործում... <...> Մենք հասկանում ենք, որ մենք ունենք ընդհանուր շահեր Կենտրոնական և Արևելյան Եվրոպայի տարածաշրջանում էներգետիկ անկախության և էներգաարդյունավետության հարցում, ինչը նույնպես մեծ հետաքրքրություն կներկայացնի Ադրբեջանի համար», - ընդգծել է դիվանագետը։