Կրեմլը՝ Ալիևի և Պուտինի առաջիկա հանդիպման մասին

Ռուսական կողմը լավատեսորեն է տրամադրված՝ Ռուսաստանի և Ադրբեջանի առաջնորդներ Վլադիմիր Պուտինի և Իլհամ Ալիևի հանդիպման նախօրեին. նախագահները կկարողանան քննարկել իրենց հարաբերություններում կուտակված բոլոր խնդիրները։
 
ՏԱՍՍ-ի փոխանցմամբ, այս մասին լրագրողներին հայտնել է՝ Ռուսաստանի առաջնորդի մամուլի քարտուղար Դմիտրի Պեսկովը։
 
«Մենք այժմ քննարկում ենք Պուտինի պետական ​​այցը Տաջիկստան։ Մենք ունենք շատ ընդարձակ օրակարգ։ Առանձին, իհարկե, խոսվում է ռուս-ադրբեջանական հարաբերությունների մասին», - ասել է նա։
 
«Համաձայնություն է ձեռք բերվել, որ երկու նախագահները կհանդիպեն այսօր։ Մենք կտեսնենք այս հանդիպման արդյունքները։ Մենք լավատեսորեն ենք տրամադրված այս հարցում։ Հուսով ենք, որ նախագահները կքննարկեն մեր երկկողմ հարաբերությունների ներկայիս վիճակը և առկա խնդրահարույց հարցերը», - պարզաբանել է Կրեմլի ներկայացուցիչը։
 
Պուտինն ու Ալիևը համաձայնության են եկել հանդիպման վերաբերյալ՝ հոկտեմբերի 7-ին տեղի ունեցած դրական և կառուցողական հեռախոսազրույցի ժամանակ։