«Մենք սկսեցինք գրավել թուրքերի գյուղերը, ավերեցինք և ոչնչացրինք դրանք» Բաքվի դատարանում ուսումնասիրվել է գեներալ Գրիգորյանի հարցազրույցը

Բաքվի ռազմական դատարանում այսօր շարունակվող    դատավարության ժամանակ ուսումնսիրվել է՝ ՀՀ պաշտպանության նախկին փոխնախարար Մանվել Գրիգորյանի հետ հարցազրույցը:
 
AZERTAC-ի փոխանցմամբ՝ հարցազրույցում Գրիգորյանը, ի թիվս այլ բաների, խոսել է ՀՀ նախկին նախագահներ Ռոբերտ Քոչարյանի և Սերժ Սարգսյանի մասնակցության մասին՝ ադրբեջանական տարածքների օկուպացիային։ Նա նշել է, որ Հայաստանից բարձրաստիճան զինվորականներ, գեներալներ և գնդապետներ են ուղարկվել նախկինում օկուպացված ադրբեջանական տարածքներում ռազմական ստորաբաժանումներ կազմավորելու համար։ Գրիգորյանի խոսքով այդ գեներալներից մեկը գյումրեցի Արտուշան էր։
 
Մանվել Գրիգորյանը նաև պատմել է ադրբեջանցիների սպանությունների և գյուղերի թալանման մասին. «Մենք սկսեցինք գրավել թուրքերի գյուղերը, ավերցինք և ոչնչացրինք դրանք։ Մենք ահաբեկչության ենթարկեցինք նրանց (ադրբեջանցիներին)»։
 
Գրիգորյանը նաև նշել է, որ նա ՀՀ զինված ուժերում բրիգադի հրամանատար էր։ Նա նշել է, որ այդ նպատակով կանչվել է Հայաստան և պաշտպանության նախարար Վազգեն Մանուկյանի հրամանով ուղարկվել է Ադրբեջանի օկուպացված տարածքներ։ Դրանից հետո նրանք գրավեցին Ֆիզուլիի շրջանի 47 գյուղեր։