Ադրբեջանական պատվիրակությունը մասնակցում է ՆԱՏՕ-ի ԽՎ 70-րդ նստաշրջանին

Նոյեմբերի 22-ից 25-ը Կանադայի Մոնրեալ քաղաքում անցկացվում  է՝ ՆԱՏՕ-ի Խորհրդարանական վեհաժողովի (ՆԱՏՕ ԽՎ) 70-րդ հոբելյանական նստաշրջանը։
 
Caliber.Az-ի փոխանցմամբ՝ միջոցառմանը մասնակցում են Դաշինքի անդամ 32 երկրների ներկայացուցիչներ, ինչպես նաև գործընկեր պետությունների պատվիրակություններ։
 
Նստաշրջանում Ադրբեջանը ներկայացնում են Միլլի Մեջլիսի պատվիրակությունը և ՆԱՏՕ-ում երկրի մշտական ​​առաքելության անդամները։
 
Կոմիտեների նիստերի շրջանակներում քննարկվել են այնպիսի թեմաներ, ինչպիսիք են՝ Ուկրաինայում պատերազմը, ՆԱՏՕ-ի Վաշինգտոնի գագաթնաժողովում ընդունված վերջնական որոշումները, Դաշինքի պաշտպանության ամրապնդումը, ՆԱՏՕ-ի գործընկերության ապագան, գլոբալ հարավի և հնդկական-խաղաղօվկիանյան  տարածաշրջանների հետ համագործակցության հեռանկարները,  Սևծովյան տարածաշրջանի անվտանգությունը, Չինաստանի կողմից սպառնալիքները, ՆԱՏՕ-ի առջև ծառացած անվտանգության մարտահրավերները, կլիմայի փոփոխությունը, ինչպես նաև բարձր տեխնոլոգիաների և արհեստական ​​ինտելեկտի օգտագործումը։