Ադրբեջանում Չինաստանի նոր դեսպանը ժամանել է Բաքու

Ադրբեջանում Չինաստանի նորանշանակ դեսպան Լու Մեյը ապրիլի 14-ին ժամանել է Բաքու՝ ստանձնելու իր դիվանագիտական ​​պարտականությունները։
 
Ինչպես Report-ին հայտնել են Ադրբեջանում Չինաստանի Ժողովրդական Հանրապետության դեսպանությունից, օդանավակայանում Լու Մեյին դիմավորել են՝ Ադրբեջանի արտաքին գործերի նախարարության ներկայացուցիչներ, ինչպես նաև Չինաստանի դեսպանատան աշխատակիցներն ու բարձրաստիճան դիվանագետներ։
 
Հանդիպման արարողության ժամանակ դեսպանը նշել է, որ Չինաստանն ու Ադրբեջանը ոչ միայն անկեղծ և վստահելի բարեկամներ են, այլ նաև իրավահավասար և փոխշահավետ գործընկերներ։
 
Լու Մեյն ընդգծել է, որ նրա համար մեծ պատիվ է՝ Չինաստանը ներկայացնել Ադրբեջանում նման նշանակալի ժամանակահատվածում, երբ երկկողմ համագործակցությունը զարգանում է բոլոր ոլորտներում՝ երկու երկրների ղեկավարների ռազմավարական առաջնորդությամբ։