Ադրբեջանը պահանջում է պատասխանատվության ենթարկել Հայաստանին ականային պատահարների համար

Ադրբեջանի արտաքին գործերի նախարարությունը կոչ է արել միջազգային հանրությանը պատասխանատվության ենթարկել Հայաստանին ականային պատահարների համար։

Ինչպես հաղորդում է Caliber.Az-ը, այս մասին ասվում է գերատեսչության X սոցիալական ցանցում տարածված հայտարարության մեջ։

«Այսօր ականների հերթական պայթյունի հետևանքով ծանր վիրավորվել են Ադրբեջանի չորս քաղաքացիներ, այդ թվում՝ մանկահասակ երեխաներ»,- հիշեցրել է ԱԳՆ-ն։

Նշվում է, որ 2020 թվականի պատերազմից հետո Հայաստանի կողմից ադրբեջանական տարածքների ականապատման հետևանքով զոհվել կամ վիրավորվել է 392 մարդ։

«Մենք կոչ ենք անում միջազգային հանրությանը ճանաչել ականազերծման գործողությունների հրատապությունը, աջակցել Ադրբեջանին ականազերծման իր շարունակական ջանքերում, ինչպես նաև պատասխանատվության ենթարկել Հայաստանին կանխամտածված և լայնածավալ ականապատման համար, ինչը շարունակում է վտանգել անմեղ մարդկանց կյանքը և խոչընդոտել հետհակամարտային վերականգնմանը», - ասվում է գերատեսչության հայտարարության մեջ։

Նշենք, որ ապրիլի 6-ին Ջաբրայիլի և Աղդամի շրջաններում ականային պատահարների հետևանքով վիրավորվել է չորս մարդ։ Առաջին դեպքում վիրավորվել է Ադրբեջանի ականազերծման գործակալության (ANAMA) աշխատակիցը, երկրորդում՝ ընտանիքի երեք անդամներ։