Ավստրալիայի խորհրդարանում ստեղծվել է Ադրբեջանի հետ բարեկամության խումբ

Ավստրալիայի դաշնային խորհրդարանում ստեղծվել է՝ Ադրբեջանի հետ միջխորհրդարանական բարեկամության խումբ։
 
Այս մասին հաղորդում է Report-ը՝ հղում անելով Ավստրալիայում Ադրբեջանի դեսպանատան՝ X սոցիալական ցանցում հրապարակմանը։
 
Դիվանագիտական ​​առաքելությունում նշել են, որ խմբի համանախագահներն են դարձել՝ Առողջապահության, տարեցների և հաշմանդամների խնամքի հարցերի մշտական ​​հանձնաժողովի նախագահ Մայք Ֆրիլենդերը և Առևտրի ու ներդրումների հարցերով համատեղ մշտական ​​հանձնաժողովի փոխնախագահ Ռիք Ուիլսոնը։
 
«Խմբում նաև ընդգրկված են  բարձրաստիճան ղեկավարներ, այդ թվում՝ Սենատի նախագահ, պատվարժան սենատոր Ջ. Սյու Լայնսը, Ներկայացուցիչների պալատի պատվարժան խոսնակ Միլթոն Դիքը և այլ պատվարժան խորհրդարանականներ», - ասվում է դեսպանատան հաղորդագրության մեջ։