Բայրաքթար. Թուրքիան շահագրգռված է Զանգեզուրի էներգետիկ միջանցքի գործարկմամբ

Թուրքիայի էներգետիկայի և բնական պաշարների նախարար Ալփարսլան Բայրաքթարը հայտարարել է, որ Թուրքիան շահագրգռված է՝ Զանգեզուրի միջանցքի գործարկմամբ, ներառյալ դրա էներգետիկ բաղադրիչը։
 
Այս մասին Բայրաքթարը հայտարարել է Report-ին տված հարցազրույցում։
 
«Մենք շատ ենք ցանկանում, որ այս գիծը (Զանգեզուրի միջանցքը) իրականացվի ինչպես էներգետիկայի (մատակարարման) տեսանկյունից, այնպես էլ այլ առումներով։ Որովհետև դա մեզ համար շատ կարևոր է։ Սա շատ կարևոր է Եվրոպայի համար։ Դրա համար էլ հուսով եմ, որ այս նախագիծը կիրականացվի»,- ասել է Բայրաքթարը։
 
Նա անդրադարձել է նաև կլիմայի փոփոխության դեմ պայքարի հարցին։
 
«Մենք այժմ գտնվում ենք կլիմայական կոնֆերանսում, որը նվիրված է «կանաչ» վերափոխմանը: Բոլոր խոսում են կլիմայի փոփոխության մասին: Ամենակարևորը, որ մենք անելու ենք, երկրների և տարածաշրջանների միջև հաղորդակցությունների (փոխկապակցիչների) ընդլայնումն է։ Իսկ փոխադարձ կապերից ամենակարևորը հանդիսանում է Կասպից ծովը՝ հողմային էներգիայի հսկայական ներուժով։ Եթե ​​չեմ սխալվում, ապա Համաշխարհային բանկի տվյալներով այդ ներուժը կազմում է 7500 ՄՎտ»,- ասել է նախարարը։