Դատավարություն Բաքվի դատարանում. քննարկվել են Ադրբեջանի Ազգային հերոսի սպանության հետ կապված փաստաթղթերը

Բաքվի ռազմական դատարանում՝ Հայաստանի  քաղաքացիների նկատմամբ  այսօրվա դատավարությունո շարունակվել է՝ քրեական գործի փաստաթղթերի ընթերցմամբ։
 
AZERTAC-ի փոխանցմամբ՝ դատավարությունում  քննարկվել են Ադրբեջանի ազգային հերոս Մուբարիզ Աղաքերիմ օղլու Իբրահիմովի, Ահմեդ Հուսեյնաղա օղլու Աբդուլլաևի (պարգևատրվել է «Արիության համար մեդալով» - խմբ.), Ֆարիդ Գյուլօղլան օղլու Ահմեդովի (պարգևատրվել է «Արիության համար մեդալով» - խմբ.) և այլոց սպանության հետ կապված փաստաթղթերը։
 
Փաստաթղթերի ընթերցման հետ մեկտեղ ցուցադրվել են լուսանկարներ։
 
Նշենք, որ Բաքվում անկացվում է խաղաղության և մարդկության դեմ հանցագործությունների, պատերազմական հանցագործությունների, այդ թվում՝ ագրեսիվ պատերազմի նախապատրաստման և վարման, ցեղասպանության, պատերազմի օրենքների և սովորույթների խախտման, ահաբեկչության, ահաբեկչության ֆինանսավորման, իշխանության բռնի զավթման և պահպանման, ինչպես նաև բազմաթիվ այլ հանցագործությունների մեջ մեղադրվող Հայաստանի  քաղաքացիների դատավարությունը։