Հայաստանը Ադրբեջանին է փոխանցել խաղաղության պայմանագրի վերաբերյալ առաջարկների 10-րդ փաթեթը

Հայաստանը Ադրբեջանին է փոխանցել խաղաղության պայմանագրի վերաբերյալ առաջարկների 10-րդ փաթեթը: Այս մասին հայտնում է Հայաստանի ԱԳՆ մամուլի ծառայությունը։ 

Մամուլի ծառայության փոխանցմամբ՝ Հայաստանի արտաքին գործերի փոխնախարար Վահան Կոստանյանը մասնակցել է՝ «Հայաստանը և ԵՄ-ն» համաժողովին, որը տեղի է ունեցել GLOBSEC համաժողովի շրջանակներում։

«Իր ելույթւմ Կոստանյանն անդրադարձել է Հայաստանի արտաքին քաղաքականությանը՝ ընդգծելով դրա դիվերսիֆիկացման կարևորությունը՝ ուղղված հանրապետության ինքնիշխանության, միջազգային սահմանների և ժողովրդավարության պաշտպանությանը»,- հայտնում է մամուլի ծառայությունը։

Համաժողովի  ժամանակ Կոստանյանը նշել է, որ Հայաստանը ադրբեջանական կողմին է փոխանցել՝ Հայաստանի և Ադրբեջանի միջև խաղաղության պայմանագրի 10-րդ փաթեթը։ Բացի այդ, Հայաստանի ԱԳՆ ղեկավարի տեղակալը հաստատել է՝ Հարավային Կովկասում և տարածաշրջանում խաղաղություն հաստատելու Երևանի պատրաստակամությունը։