Հրթիռային հարձակում Կիևի վրա. Ադրբեջանի դեսպանատան շենքը լրջորեն վնասվել է

Նոյեմբերի 14-ի լույս գիշերը ՌԴ զինված ուժերի կողմից Կիևի վրա բազմակի հրթիռային ավիահարվածի հետևանքով՝ զգալի վնաս է հասցվել Ուկրաինայում Ադրբեջանի դեսպանատանը։
 
AZERTAC-ի  հաղորդմամբ, հրթիռներից մեկը ընկել է դեսպանատան տարածքում՝ մեծ ճաք առաջացնելով։ Մեր դեսպանատան շենքի պատերը, այդ թվում՝ շենքը, զգալի վնաս են կրել։ Պատի մի մասը քանդվել է, պատուհանները կոտրվել են, ինչպես նաև վնասվել են դիվանագետների մեքենաները։
 
Դեպքի վայր են ժամանել նաև Ուկրաինայի համապատասխան գերատեսչությունների ներկայացուցիչները, որոնք  հետաքննում են վնասի մասշտաբները։
 
Նշենք, որ սա առաջին դեպքը չէ։ Ուկրաինայում Ադրբեջանի դեսպանատունը մի քանի անգամ վնասվել է Կիևի վրա ավիահարվածներից։ Սակայն այս անգամ վնասը շատ ավելի մեծ է և լուրջ։
 
Դեսպանատան աշխատակիցների շրջանում տուժածներ չկան։
 
Կիևի քաղաքային ռազմական վարչակազմի տվյալներով՝ Ուկրաինայի մայրաքաղաքի բալիստիկ հրթիռներով և անօդաչու թռչող սարքերով ռմբակոծության հետևանքով՝ զոհվել է առնվազն չորս խաղաղ բնակիչ, մոտ 30-ը՝ վիրավորվել է։ Զոհերի թվում կան նաև երեխաներ։
 
Ավիահարվածներին ժամանակ կիրառվել են մոտ 20 բալիստիկ և թևավոր հրթիռներ, ինչպես նաև ավելի քան 400 գրոհային անօդաչու թռչող սարքեր։