Իսպանիայի Առևտրի հարցերով պետքարտուղարը ժամանում է Ադրբեջան

Իսպանիայի տնտեսության նախարարության առևտրի և բիզնեսի հարցերով պետքարտուղար Մարիա Ամպարո Լոպես Սենովիլան հաջորդ շաբաթ կժամանի Բաքու։
 
Ինչպես Report-ին հայտնել է նախարարությունում աղբյուրը, մարտի 11-ին նա կմասնակցի՝ ադրբեջանա-իսպանական գործարար համաժողովին, ինչպես նաև մի շարք հանդիպումներ կանցկացնի։
 
Ակնկալվում է, որ ադրբեջանա-իսպանական գործարար համաժողովին կմասնակցեն՝ Իսպանիայի Առևտրի պալատի և Ձեռնարկատիրական կազմակերպությունների համադաշնության (CEOE) ներկայացուցիչները։
 
Նշենք, որ ադրբեջանա-իսպանական գործարար համաժողովը կանցկացվի՝ Իսպանիայի Առևտրատնտեսական գրասենյակի և Գյուղատնտեսական արտադրանք արտադրողների ասոցիացիայի (AGRAGEX) առևտրային առաքելության շրջանակներում։