Իսրայելի ԱԳՆ ղեկավար. Ադրբեջանը մուսուլմանական մեծամասնությամբ երկրի օրինակ է

Իսրայելի արտգործնախարար Գիդեոն Սաարը Ադրբեջան այցի շրջանակներում Բաքվում հանդիպել է՝ հրեական համայնքի առաջնորդների հետ։
 
Caliber.Az-ի փոխանցմամբ՝ Սաարը այս մասին գրել է Facebook սոցիալական ցանցում։
 
«Ադրբեջան կատարած իմ այցի սկզբում ես Բաքվում հանդիպել եմ՝ հրեական համայնքի առաջնորդների հետ։ Այսօր Ադրբեջանում ապրում է մոտ 30,000 հրեա՝ երկրի մուսուլմանական բնակչության հետ կողք կողքի՝ փոխադարձ հարգանքի, կրոնական հանդուրժողականության և  դավանության ազատության մթնոլորտում։
 
Սերունդների ընթացքում Ադրբեջանը ծառայում է որպես մուսուլմանական մեծամասնությամբ երկրի օրինակ, որը ապահովում է հրեական համայնքի բարգավաճումն ու անվտանգությունը։
 
Ես հավատում եմ մեր երկրների միջև կապերին։ Իսրայել ներգաղթած մեծ հրեական համայնքը և Ադրբեջանում ապրող հրեաները՝ ամուր հիմք են կազմում մեր երկրների միջև հարաբերությունների համար։ Այս կապերը շարունակում են խորանալ բազմաթիվ ոլորտներում, և մենք մտադիր ենք էլ ավելի ամրապնդել դրանք», - գրել է Իսրայելի ԱԳՆ ղեկավարը։