ՄԱԿ-ի քարտուղարությունը տարածել է Ադրբեջանի նախագահի ուղերձը

ՄԱԿ-ի քարտուղարությունը տարածել է Ադրբեջանի նախագահ Իլհամ Ալիևի ուղերձը՝ «Արևմտյան Ադրբեջան վերադարձը՝ որպես մարդու իրավունքների գերակայության կարևոր պայման» միջազգային համաժողովի մասնակիցներին, ինչպես նաև այս միջոցառման եզրափակիչ փաստաթուղթը՝ որպես ՄԱԿ-ի Անվտանգության խորհրդի և Գլխավոր ասամբլեայի պաշտոնական փաստաթղթեր։
 
Ինչպես հաղորդում է Caliber.Az-ը, այս մասին ասվում է Արևմտյան Ադրբեջանի համայնքի ուղերձում։ Հիշեցնենք, որ համաժողովը տեղի է ունեցել այս տարվա մայիսի 21-ին Թուրքիայի մայրաքաղաք Անկարայում։
 
«Այն փաստը, որ Իլհամ Ալիևի ուղերձը, ով սկզբունքորեն և հետևողականորեն Արևմտյան Ադրբեջանի հարցը միջազգային օրակարգում է պահում, տարածվել է որպես ՄԱԿ-ի պաշտոնական փաստաթուղթ, խոսում է այս հարցի միջազգային աջակցության ամրապնդման մասին։
 
Արևմտյան Ադրբեջանի համայնքը կշարունակի իր ջանքերը՝ ապահովելու իրենց հայրենի հողեր վերադառնալու համար ավելի մեծ միջազգային աջակցություն։
 
Մենք պահանջում ենք Հայաստանի կառավարություից՝ պայմաններ ստեղծել արևմտյան ադրբեջանցիների խաղաղ և արժանապատիվ վերադարձի համար՝ Մարդու իրավունքների համընդհանուր հռչակագրի և այլ միջազգային կոնվենցիաների համաձայն, որոնցով այս երկիրը պարտավորված է», - ասվում է հաղորդագրության մեջ։