ՄԱԿ-ում կոչ են արել՝ ուշադրություն դարձնել անհետ կորած ադրբեջանցիների ճակատագրերին

ՄԱԿ-ում Ադրբեջանի մշտական ​​ներկայացուցիչ Թոֆիգ Մուսաևը ելույթ է ունեցել ՄԱԿ-ի Գլխավոր ասամբլեայում անցկացվող՝ «Անհետ կորածների» թեմայով քննարկումների ժամանակ։
 
Ինչպես տեղեկացնում է Report-ը, դեսպանը հայտարարել է, որ Ադրբեջանը հպարտանում  է նրանով, որ հանդիսանում է Գլխավոր ասամբլեայի՝ «Անհետ կորածներ» երկամյա բանաձևի հեղինակն ու նախաձեռնողը։
 
Դիվանագետը նշել է, որ 1990-ականների սկզբից Հայաստանի կողմից ագրեսիայի և օկուպացիայի հետևանքով անհետ կորել են 4000 Ադրբեջանի քաղաքացիներ և նրանց ճակատագիրն առ այսօր անհայտ է մնում։
 
«Այս հարցը հրատապ ուշադրություն և գործողություններ է պահանջում: Անհետ կորածների թվում կան 774 խաղաղ բնակիչներ, որոնցից 116-ը կանայք են, 315-ը ծերեր, 75-ը երեխաներ: Ամբողջ սերունդներ ոչնչացվել են: Նրանցից ոմանք նույնիսկ անհայտ հանգամանքներում անհետացել են՝ նրանց կալանավորման ընթացքում Կարմիր Խաչի միջազգային կոմիտեի (ԿԽՄԿ) այցելելուց հետո»,- ընդգծել է Թ. Մուսաևը: