Միրզիյոև. Վաշինգտոնյան համաձայնագիրը թյուրքական ժողովուրդների հաղթանակն է

Այսօր ՄԱԿ-ի Անվտանգության խորհուրդը լուրջ բարեփոխումների կարիք ունի, և զարգացող երկրների ձայները պետք է ավելի բարձր լսվեն։

Ըստ APA-ի, այս մասին հայտարարել է Ուզբեկստանի Հանրապետության նախագահ Շավքաթ Միրզիյոևը Թյուրքական պետությունների կազմակերպության անդամ պետությունների ղեկավարների խորհրդի 12-րդ գագաթնաժողովում։

Ուզբեկստանի առաջնորդը նաև նշել է Ռազմավարական գործընկերության մասին համաձայնագրի ընդունման գործընթացն ավարտելու անհրաժեշտությունը՝ որպես միջազգային կազմակերպություն ԹՊԿ-ի դերն ամրապնդելու համար. «Մենք առաջարկում ենք ամրապնդել մեր տնտեսական և առևտրային կապերը նաև արդյունաբերական ոլորտում։ Գործնական համագործակցությունը պետք է իրականացվի կոնկրետ նախագծերի միջոցով։ Առաջարկում ենք ստեղծել Թյուրքական պետությունների արդյունաբերական դաշինք։ Բացի այդ, առաջարկում ենք ստեղծել «Թյուրքական կանաչ միջանցք» անվամբ էլեկտրոնային համակարգ։ Նաև առաջարկում ենք առաջ տանել կանաչ էներգիայի ոլորտում առաջադեմ տեխնոլոգիաները և պետական-մասնավոր նախագծերը»։

Ուզբեկստանի առաջնորդը նաև անդրադարձել է Ադրբեջանի և Հայաստանի միջև խաղաղ բանակցություններին։

Նա նշել է, որ Վաշինգտոնում Ադրբեջանի և Հայաստանի կողմից ստորագրված համատեղ հռչակագիրը թյուրքական ժողովուրդների հաղթանակն է։