ՔՆԽ. Ֆրանսիան ցանկանում էր արհեստականորեն ավելացնել ընտրազանգվածը Նոր Կալեդոնիայում

Ֆրանսիան ցանկանում էր արհեստականորեն ավելացնել ընտրազանգվածը Նոր Կալեդոնիայում և օգտագործել այն իր  շահերի համար։ Անցկացված ակցիաները կասեցրեցին այս գործընթացը։
 
Ինչպես հաղորդում է Caliber.Az-ը, այս մասին այսօր կայացած մամուլի ասուլիսում հայտարարել է՝ Բաքվի նախաձեռնող խմբի գործադիր տնօրեն Աբբաս Աբբասովը։
 
Նա նշել է, որ Ֆրանսիան անհիմն կերպով զորքեր է ուղարկում Նոր Կալեդոնիա և այստեղ պարետային ժամ է կիրառում։ Աբբաս Աբասովի խոսքով, խաղաղօվկիանոսյան տարածաշրջանում ֆրանսիական բանակի ներկայությունը ծառայում է այս երկրի աշխարհառազմավարական նպատակներին. «3-5 տարի հետո մենք կարող ենք ականատես լինել Նոր Կալեդոնիայում ակցիաների դրական արդյունքների։ Բաքվի նախաձեռնող խմբի գործունեությունը և Ֆրանսիայի գործողությունների կոշտ քննադատությունը նույնպես կազդեն այս գործընթացի վրա»։