Քննարկվել են՝ թուրքական պետությունների միջև տնտեսական համագործակցության ամրապնդման հնարավորությունները

Թուրքական ներդրումային հիմնադրամի (ԹՆՀ) նոր կենտրոնակայանում տեղի է ունեցել՝ Թուրքական պետությունների կազմակերպության (ԹՊԿ) գլխավոր քարտուղար Կուբանիչբեկ Օմուրալիևի, ԹՆՀ նախագահ Բաղդադ Ամրեևի և հիմնադրամի գլխավոր տնօրեն Ռամիլ Բաբաևի հանդիպումը։
 
Ինչպես հայտնում է AZERTAC-ը, հանդիպմանը քննարկվել են՝ ԹՊԿ անդամ և դիտորդ երկրների միջև տնտեսական համագործակցության ամրապնդման հնարավորությունները։ Կողմերը մատնանշել են՝ Թուրքական ներդրումային հիմնադրամի կարևորությունը՝ որպես տարածաշրջանային զարգացման խթանման, առևտրի խթանման և թուրքական աշխարհում համատեղ ներդրումային ծրագրերի դյուրացման համար կենտրոնական մեխանիզմ: Նրանք քննարկել են ԹՊԿ շրջանակներում՝ առաջնահերթ ոլորտներում ռեսուրսների բաշխման ռազմավարությունը, կայուն զարգացումը խթանելու և միավորված տարածքային համայնքներում տնտեսական ինտեգրման ամրապնդումը: Այդ կապակցությամբ Կ.Օմուրալիևն.ընդգծել է՝ կոնկրետ ծրագրերի ֆինանսավորման նպատակով հիմնադրամի արագ օգտագործման անհրաժեշտությունը։
 
Թուրքական ներդրումային հիմնադրամի նախագահ Բ.Ամրեևը տեղեկատվություն է տրամադրել՝ հիմնադրամի նպատակների և խնդիրների, ինչպես նաև ընթացիկ գործունեության մասին: Կողմերը քննարկել են ընթացիկ նախագծերը և նոր նախաձեռնությունները՝ ուղղված տարածաշրջանային խնդիրների հաղթահարմանը և տնտեսական զարգացման հնարավորությունների օգտագործմանը։