Ռազմական կցորդները այցելել են Նախչըվանի ԻՀ

Ադրբեջանի Հանրապետության պաշտպանության նախարար, գեներալ-գնդապետ Զաքիր Հասանովի կողմից հաստատված տարեկան գործունեության պլանի համաձայն՝ կազմակերպվել է Ադրբեջանում հավատարմագրված օտարերկրյա պետությունների ռազմական կցորդների այցը Նախչըվանի Ինքնավար Հանրապետություն:
 
Այս մասին Caliber.Az-ին հայտնել են Ադրբեջանի Պաշտպանության նախարարությունից։
 
Այցին մասնակցել են 19 երկրների ռազմական կցորդների գրասենյակների 35 ներկայացուցիչներ։
 
Նախ հյուրերը այցելել են՝ Նախչըվան քաղաքի գլխավոր հրապարակում տեղադրված Համազգային առաջնորդ Հեյդար Ալիևի հուշարձան և հարգել նրա հիշատակը։ Այնուհետև հյուրերը այցելել են Հեյդար Ալիևի թանգարան, որտեղ զննել են համազգային առաջնորդի կյանքն ու գործունեությունը արտացոլող տաղավարները։
 
Այցի շրջանակներում հյուրերը այցելել են Առանձին համազորային բանակի շտաբ։ Առանձին համազորային  բանակի հրամանատար, գեներալ-մայոր Քյանան Սեիդովը հանդիպել է՝ օտարերկրյա պետությունների ռազմական կցորդների հետ: Այցի մասնակիցներին տրամադրվել է տեղեկատվություն Առանձին համազորային բանակի կազմավորման պատմության, նրա զարգացման ուղու, գործունեության, ընթացիկ բարեփոխումների և առաջիկա նպատակների վերաբերյալ, և արձանագրության համաձայն՝  գրառում է կատարվել «Պատվավոր հյուրերի գրքում»։