Թուրք զինծառայողները ժամանել են Նախչըվան՝ զորավարժությունների համար

Թուրքիայի զինված ուժերի անձնակազմը մեկնել է Ադրբեջան՝ մասնակցելու «Անխախտ եղբայրություն» զորավարժություններին, որոնք անցկացվելու են Նախչըվանում։
 
Ինչպես հաղորդում է Caliber.Az-ը, այս մասին Թուրքիայի ազգային պաշտպանության նախարարությունը հայտնել է X սոցիալական ցանցում։
 
Երկու երկրների սահմանին գտնվող կամրջի վրա տեղի է ունեցել դրոշների փոխանակում։
 
Նշենք, որ «Անխախտ եղբայրություն» համակարգչային հրամանատարաշտաբային զորավարժությունները կանցկացվեն հունիսի 12-ից 19-ը՝ Նախչըվանի Ինքնավար Հանրապետությունում՝ Ադրբեջանի զինված ուժերի մասնակցությամբ։