Ուզբեկստանի ԱԳՆ-ն՝ Բաքվի և Անկարայի հետ համագործակցության կարևորության մասին

Հունվարի 29-ին Անկարայում կայանալիք՝ Ադրբեջանի, Թուրքիայի և Ուզբեկստանի ԱԳ նախարարների եռակողմ հանդիպման օրակարգն ընդգրկում է համագործակցության գրեթե բոլոր ասպեկտները։
 
Ինչպես հայտնում է Report-ը, այս մասին ասել է՝ Ուզբեկստանի արտաքին գործերի նախարարի խորհրդական, մամուլի քարտուղար Ախրոր Բուրխանովը։
 
«Հանդիպման օրակարգը շատ հագեցած է: Մենք այս հարթակը դիտարկում ենք որպես շատ կարևոր վայր՝ մեր երկրների միջև առկա չօգտագործված մեծ ներուժն իրագործելու համար»,- ասել է նա։
 
Բուրխանովն ընդգծել է, որ այս ձևաչափում այլ երկրներին ներգրավելու հարցը ներկայումս չի քննարկվում։
 
«2025 թվականին նախատեսվում են մի շարք միջոցառումներ և այցեր տարբեր մակարդակներով»,- հավելել է նա՝ մեկնաբանելով Բաքվի և Տաշքենդի միջև երկկողմ հարաբերությունները։

Հիշեցնենք, որ Ադրբեջանի, Ուզբեկստանի և Թուրքիայի արտաքին գործերի նախարարությունների ղեկավարների մակարդակով առաջին հանդիպումը կայացել է՝ 2022 թվականի օգոստոսի 2-ին Ուզբեկստանում։