200 պատվիրակ 51 երկրից. Հայաստանից ադրբեջանցիների վտարումը մեծ անարդարություն է

Հարկադիր  վերաբնակեցումը մարդու իրավունքների ամենալուրջ խախտումներից է, իսկ Հայաստանից ադրբեջանցիների վտարումը մեծ անարդարություն է, որը դեռևս չի լուծվել։ Վերադարձի իրավունքը մարդու հիմնարար իրավունքն է, որը հաստատապես ամրագրված է միջազգային փաստաթղթերում, ինչպիսիք են Մարդու իրավունքների համընդհանուր հռչակագիրը, Քաղաքացիական և քաղաքական իրավունքների մասին միջազգային դաշնագիրը և Պինեյրոյի սկզբունքները:
 
Ինչպես հայտնում է Caliber.Az-ը, այս մասին ասված է Արևմտյան Ադրբեջանի համայնքի կողմից կազմակերպված՝ «Վերադարձի իրավունք. արդարության ապահովում Հայաստանից բռնի տեղահանված ադրբեջանցիների համար» II միջազգային համաժողովի ամփոփիչ փաստաթղթում։
 
Փաստաթուղթն ընդունվել է 51 երկրների ավելի քան 200 պատվիրակների կողմից։ Միջոցառման մասնակիցները լուրջ մտահոգություն են հայտնել այն մասին, որ Հայաստանը  խոչնդոտում է բռնի տեղահանված ադրբեջանցիներին վերադառնալ հայրենի հողեր։
 
Նրանք Միջազգային քրեական դատարանի դատախազին կոչ են արել հետաքննել՝ Հայաստանի կողմից միջազգային իրավունքի  և Հռոմի ստատուտի շրջանակներում  ստանձնած պարտավորությունների խախտումը։
 
Փաստաթղթում ընդգծվում է սեփականության իրավունքի վերականգնման կարևորությունը և կոչ է արվում Հայաստանի կառավարությանը անհրաժեշտ քայլեր ձեռնարկել՝ արևմտյան ադրբեջանցիների բռնագրավված կամ բռնությամբ վերցված ունեցվածքը վերադարձնելու և հարկադիր վերաբնակեցման հետևանքով պատճառված վնասի փոխհատուցման համար։
 
Դրա հետ մեկտեղ նշվում է, որ նյութական և բարոյական վնասի հատուցումը չի կարող հիմք հանդիսանալ՝ վերադարձի իրավունքից հրաժարվելու համար։