Ադրբեջանցի և ֆրանսիացի դիվանագետները բանակցություններ են վարել Բաքվում

Ֆրանսիացի դիվանագետները Բաքվում բանակցություններ են վարել՝ երկկողմ հարաբերությունների և տարածաշրջանային հարցերի շուրջ։
 
Ինչպես հաղորդում է Report-ը, այս մասին X սոցիալական ցանցե իր էջում գրել է Ադրբեջանում Ֆրանսիայի դեսպան Սոֆի Լագուտը։
 
Նա նշել է, որ Բաքվում տեղի են ունեցել համապարփակ և արդյունավետ քննարկումներ՝ ադրբեջանցի և ֆրանսիացի դիվանագետների միջև։
 
«Ֆրանսիայի նախագահի մայրցամաքային Եվրոպայի հարցերով դիվանագիտական ​​խորհրդական Բերտրան Բուխվալտերը և Ֆրանսիայի արտաքին գործերի նախարարության մայրցամաքային Եվրոպայի հարցերով  դեպարտամենտի տնօրեն Բրիս Ռոքֆոյը ժամանել են Ադրբեջան՝ Ադրբեջանի նախագահի աշխատակազմի արտաքին քաղաքականության  հարցերի բաժնի ղեկավար Հիքմեթ Հաջիևի և նախագահի հատուկ հանձնարարությունների գծով ներկայացուցիչ Էլչին Ամիրբեկովի հետ՝ երկկողմ հարաբերությունների և տարածաշրջանային հարցերի քննարկման համար», - գրել է նա։