Ադրբեջանցի զինծառայողների համար ՆԱՏՕ-ի դասընթաց է անցկացվում

Ադրբեջանի Հանրապետության Պաշտպանության նախարարության և ՆԱՏՕ-ի միջև 2025 թվականի անհատական ​​գործընկերային համագործակցության ծրագրի համաձայն՝ շտաբ բնակարանը Բրանսումում գտնվող ՆԱՏՕ-ի միացյալ ուժերի հրամանատարության շարժական ուսումնական խմբի կողմից՝ «Փորձի ուսումնասիրում» թեմայով դասընթաց է անցկացվում ։
 
Այս մասին Caliber.Az-ին հայտնել են Ադրբեջանի Պաշտպանության նախարարությունից։
 
Դասընթացի բացմանը ելույթ ունեցող, Պաշտպանության նախարարության գլխավոր օպերատիվ վարչության պետ, գեներալ-լեյտենանտ Ազեր Ալիևը ողջունել է հյուրերին և մասնակիցներին, պատմել է՝ Ադրբեջանի և ՆԱՏՕ-ի միջև ռազմական համագործակցության ընդլայնմանն ուղղված նման միջոցառումների նշանակության մասին և հատուկ ընդգծել, որ ադրբեջանցի զիծառայողները՝ վերջին տարիներին ձեռք բերված փորձը հաջողությամբ կիրառում են իրենց մասնագիտական ​​գործունեության մեջ։
 
Այնուհետև հրահանգիչները ունկնդիրներին ընդհանուր տեղեկություններ են տրամադրել  ՆԱՏՕ-ի մասին: Ներկայացվել են նաև ճեպազրույցներ՝ ՆԱՏՕ-ի  հաստիքային կառուցվածքի հետ կապված տարբեր ուղղությունների, ինչպես նաև անցկացվող վարժանքների և գործողությունների ընթացքում ձեռք բերված  փորձի վերաբերյալ։