Ադրբեջանի ԱԳՆ ղեկավարը Նյու Յորքում հանդիպել է ռումինացի գործընկերոջ հետ

Նյու Յորքում ՄԱԿ-ի Գլխավոր ասամբլեայի 80-րդ նստաշրջանի շրջանակներում՝ Ադրբեջանի արտգործնախարար Ջեյհուն Բայրամովը հանդիպել է  ռումինացի գործընկեր Օանա-Սիլվիա Ցոյի հետ։
 
Ինչպես հաղորդում է Caliber.Az-ը, նա այս մասին գրել է X սոցիալական ցանցում։
 
Տեղեկատվության համաձայն, կողմերը քննարկել են՝ Ադրբեջանի և Հայաստանի միջև խաղաղության գործընթացը, ինչպես նաև Ադրբեջան-Ռումինիա ռազմավարական գործընկերության ընդլայնումը՝ կենտրոնանալով տնտեսական կապերի, էներգետիկ անվտանգության, տրանսպորտային միջանցքների և կանաչ էներգիայի նախագծերի վրա։
 
Ընգծվել է տնտեսական և առևտրային համագործակցության ընդլայնման կարևորությունը, մասնավորապես էներգետիկ անվտանգության, դիվերսիֆիկացիայի, կրթության, գյուղատնտեսության և զբոսաշրջության ոլորտներում։ Ուսումնասիրվել են՝ կանաչ էներգիայի ոլորտում համատեղ նախագծերի ռազմավարական առավելությունները և Միջին միջանցքի շրջանակներում համագործակցության ամրապնդումը։