Ադրբեջանի ԱԳՆ-ն պատասխանել է Փաշինյանի գրասենյակին

Մենք կտրականապես մերժում ենք Հայաստանի վարչապետի աշխատակազմի մարտի 18-ի հայտարարությունը, որը պարունակում է բացարձակապես անհիմն մեղադրանքներ Ադրբեջանի հասցեին՝ խեղաթյուրելով տեղում իրական իրավիճակը և սահմանին գնդակոծության փաստերը։

Ինչպես հայտնում է Caliber.Az-ը, այս մասին ասել է Ադրբեջանի ԱԳՆ մամուլի քարտուղար Այխան Հաջիզադեն։

«Ադրբեջանական բանակի դիրքերի գնդակոծության դադարեցումը, ինչպես նաև հայ զինծառայողների բացահայտ սադրանքները, որոնք տեսագրված են, և որոնց մասին հայկական կողմը տեղյակ է, կայունության անհրաժեշտ պայման է»,- նշել է Հաջիզադեն։

Նա ընդգծել է, որ Երևանը, բարի կամք դրսևորելու և սադրանքները դադարեցնելու փոխարեն, վերացական և գործնականում անհնարին առաջարկներ է անում, ինչպես եղավ ադրբեջանական տարածքների շուրջ 30-ամյա օկուպացիայի ժամանակ։ «Սա հիշեցնում է Մինսկի խմբի համանախագահների առաջարկները՝ օկուպացիային դադարեցնելու կոչերի փոխարեն։ Եթե Հայաստանի կառավարությունն իսկապես առաջնորդվում է խաղաղության օրակարգով, ինչպես պնդում է վարչապետի աշխատակազմը, ապա տեղին կլինի բացատրել, թե որքանով է լայնածավալ ռազմականացումը, ներառյալ սահմանամերձ շրջաններում հարձակողական զինատեսակների տեղակայումը, համահունչ այս օրակարգին»,- ընդգծել է մամուլի քարտուղարը։