Ադրբեջանն ու ԱՄՆ-ն կազմակերպել են Ռազմավարական աշխատանքային խմբի առաջին նիստը

Ադրբեջանն ու ԱՄՆ-ն անցկացրել են՝ Ռազմավարական գործընկերության խարտիայի (CSP) նախապատրաստման ռազմավարական աշխատանքային խմբի առաջին նիստը։
 
Այս մասին Report-ին հայտնել են Ադրբեջանի արտաքին գործերի նախարարությունից։
 
Նիստը կայացել է առցանց ձևաչափով և լրիվ կազմով։ Ադրբեջանական կողմից աշխատանքային խումբը գլխավորել է փոխարտգործնախարար Էլնուր Մամեդովը, իսկ ամերիկյան կողմից՝ պետքարտուղարի օգնականի տեղակալ Սոնատա Քոլթերը։
 
Նիստի շրջանակներում քննարկվել են՝ երկկողմ համագործակցության ներկայիս վիճակը և զարգացման հեռանկարները՝ օգոստոսի 8-ին Վաշինգտոնի խաղաղության գագաթնաժողովում ստորագրված CSP-ի նախապատրաստման վերաբերյալ փոխըմբռնման հուշագրում նշված առաջնահերթ ոլորտներում։
 
Մասնավորապես, քննարկումը կենտրոնացել է՝ էներգետիկայի, առևտրի և տարանցման, տարածաշրջանային կապի, տնտեսական ներդրումների, այդ թվում՝ արհեստական ​​բանականության և թվային ենթակառուցվածքների, ինչպես նաև պաշտպանության, անվտանգության և ահաբեկչության դեմ պայքարի ոլորտներում համագործակցության վրա։