Ադրբեջանն ու Չինաստանը քննարկել են երկկողմ համագործակցության հեռանկարները

Ադրբեջանի վարչապետ Ալի Ասադովը հանդիպել է՝ Չինաստանի Ժողովրդական քաղաքական խորհրդատվական խորհրդի ազգային կոմիտեի փոխնախագահ Սու Հույի հետ։
 
Ինչպես հաղորդում է Report-ը, այս մասին հայտնել է Նախարարների կաբինետը։
 
Հանդիպմանը ընդգծվել է, որ Ադրբեջանի նախագահ Իլհամ Ալիևի և Չինաստանի նախագահ Սի Ցզինպինի համատեղ ջանքերի արդյունքում՝ երկու երկրների միջև հարաբերությունները հետևողականորեն զարգանում են բարեկամության, փոխադարձ հարգանքի և ռազմավարական գործընկերության սկզբունքներով։
 
Նշվել է, որ այս տարվա ապրիլին Համապարփակ ռազմավարական գործընկերության հաստատման մասին համատեղ հայտարարության ստորագրմամբ՝ երկու երկրների միջև համագործակցությունը թևակոխել է նոր փուլ։
 
Ընդգծվել է նաև նախագահ Իլհամ Ալիևի օգոստոսի վերջին -սեպտեմբերի սկզբին Չինաստան կատարած աշխատանքային այցի կարևորությունը՝ երկկողմ հարաբերությունների հետագա խորացման և բազմակողմ համագործակցության ընդլայնման առումով։