Ադրբեջանն ու Ռուսաստանը հանդիպում են անցկացրել Կասպից ծովի ծանծաղացման հարցով

Ադրբեջանի էկոլոգիայի և բնական պաշարների նախարարությունում տեղի է ունեցել հանդիպում՝ ԱՀ բնապահպանության և բնական պաշարների նախարար Մուխթար Բաբաևի և Ռուսաստանի Դաշնության բնական պաշարների և էկոլոգիայի նախարար Ալեքսանդր Կոզլովի գլխավորած պատվիրակությունների միջև՝ կապված Կասպից ծովի ծանծաղացան հետ:
 
Ինչպես հայտնում է AZERTAC-ը, հանդիպմանը քննարկվել են՝ Կասպից ծովի մակարդակը, ծանծաղեցման միտումները և այս գործընթացի պատճառները, էկոհամակարգի վրա ազդեցության գնահատումը, ներառյալ կենսաբանական ռեսուրսները, շրջակա միջավայրի մոնիտորինգի ոլորտում համագործակցությունը, հարմարվողականության միջոցառումները և հետևանքների մեղմացման ուղիները:
 
Կողմերն ընդգծել են՝ օպերատիվ և կոնկրետ միջոցներ ձեռնարկելու կարևորությունը՝ նվազագույնի հասցնելու ծովի ծանծաղացման հետևանքները ու կանխելու այդ գործընթացը, և պայմանավորվել են ապահովել առկա տվյալների ու գիտական ​​արդյունքների փոխադարձ փոխանակումը։
 
Հանդիպման ավարտին պայմանավորվածություն է ձեռք բերվել՝ 2025 թվականին Ռուսաստանի Դաշնությունում աշխատանքային խմբի նիստ անցկացնել՝ համապատասխան նախարարությունների և կառույցների, ինչպես նաև գիտահետազոտական ​​ինստիտուտների ներկայացուցիչների կազմով, որոնք ստեղծված են՝ Կասպից ծովի ծանծաղացման  խնդրի հետ կապված հետազոտություններ անցկացնելու համար։
 
Նշենք, որ աշխատանքային խումբը կմշակի՝ Կասպից ծովի մակարդակի փոփոխությունների պատճառների ուսումնասիրության, կարճաժամկետ և երկարաժամկետ կանխատեսումների և լայնածավալ մոնիտորինգի անցկացման գործողությունների ծրագիր։ Միաժամանակ կոնկրետ քայլեր կձեռնարկվեն, կանցկացվեն գիտական ​​հետազոտություններ և կիրականացվեն այլ հարմարվողական միջոցառումներ՝ նվազեցնելու ծովի մակարդակի փոփոխության ազդեցությունը ափամերձ տարածքների վրա։