Ադրբեջանը մարդասիրական օգնություն է տրամադրել Քենիայի հատուկ դպրոցին

Ադրբեջանը մարդասիրական օգնություն է տրամադրել Քենիայի Վիհիգա նահանգի Սուրբ Ուրսուլայի անվան հատուկ դպրոցին։

Ինչպես հաղորդում է Caliber.Az-ը՝ Ադրբեջանի ԱԳՆ-ին հղումով, 20 հազար դոլարի օգնությունը ցուցաբերել է Ադրբեջանի միջազգային զարգացման գործակալությունը (AIDA):
 
Միջոցները կուղղվեն՝ դպրոցում սովորող և բնակվող հատուկ կարիքներով երեխաների սոցիալական հրատապ կարիքների, ինչպես նաև ուսումնական հաստատության նյութատեխնիկական կարիքների ապահովմանը։
 
Մարտի 7-ին տեղի  ունեցած արարողությանը, մասնակցել են՝ Վիհիգա նահանգի նահանգապետ Ուիլբեր Օտտիչիլոն, Քենիայում Ադրբեջանի դեսպան Սուլթան Հաջիևը, Քենիայի կրթության նախարարի առաջին տեղակալ Բեատրիս Ինյանգալան, պատգամավորներ և այլ պաշտոնատար անձինք։