Ադրբեջանը պատասխանել է Փաշինյանի հերթական հարձակումներին

 Ափսոսանք է առաջացնում, որ օգոստոսի 31-ին Հայաստանի վարչապետ Նիկոլ Փաշինյանը մամուլի ասուլիսում հերթական անգամ մի շարք հայտարարություններ  է արել, որոնք հակասում են Ադրբեջանի հետ հարաբերությունների կարգավորման գործընթացին և տարածաշրջանում խաղաղության ու անվտանգության ապահովման ջանքերին։ 

Ինչպես հաղորդում է Caliber.Az-ը, այս մասին ասված է Ադրբեջանի արտաքին գործերի նախարարության մամուլի ծառայության ղեկավար Այխան Հաջիզադեի մեկնաբանության մեջ։ Նրա խոսքով՝ կեղծ են այն պնդումները, թե Ադրբեջանի Սահմանադրությունը տարածքային պահանջներ է պարունակում Հայաստանի նկատմամբ։

«Այդ հարցում զուգահեռներ և համեմատություններ անցկացնելու փորձերը՝ Ադրբեջանի և Հայաստանի Սահմանադրության միջև անընդունելի են»,- ասել է Ա.Հաջիզադեն: