Ադրբեջանը և Իրանը քննարկել են ավիաչվերթների թվի ավելացման հարցը

Ադրբեջանի փոխվարչապետ Շահին Մուստաֆաևը Թեհրանում՝ Իրանի ճանապարհների և քաղաքաշինության նախարար Ֆարզանա Սադեղի հետ հանդիպման շրջանակներում քննարկել է՝ երկու երկրների միջև համագործակցության ներկայիս վիճակը և ապագա զարգացման հեռանկարները։
 
Ինչպես Report-ին հայտնել են Նախարարների կաբինետից,   հանդիպմանը քննարկվել են՝ Ադրբեջանի և Իրանի միջև տնտեսական, առևտրային և հումանիտար ոլորտներում՝ համագործակցության պետական ​​հանձնաժողովի վերջին նիստի արդյունքներով ստորագրված փոխըմբռնման հուշագրի իրագործման, ինչպես նաև համատեղ իրականացվող նախագծերի ներկայիս վիճակը։
 
«Քննարկումներ են  անցկացվել՝ տնտեսական, տրանսպորտային, մաքսային, սահմանային, նավթի, գազի, առևտրի, ներդրումային և հումանիտար ոլորտներում համագործակցության ներկայիս վիճակի և դրա հետագա ընդլայնման վերաբերյալ», - ասվում է տեղեկատվության մեջ։
 
Հանդիպմանը տեղեկատվություն է տրամադրվել նաև՝ Արազի միջանցքում Աղբենդ-Քելալե կամրջի կառուցման և Քելալե-Ջուլֆա ճանապարհի ընդլայնման աշխատանքների ընթացքի վերաբերյալ։ Կողմերը գոհունակություն են հայտնել՝ Բաքու-Թեհրան-Բաքու և Բաքու-Թավրիզ-Բաքու ուղիղ չվերթների մեկնարկի կապակցությամբ և մտքեր են փոխանակել՝ տարանցիկ փոխադրումների ոլորտում չվերթների թվի ավելացման և առկա հարցերի լուծման վերաբերյալ։