Նախչըվանում կանցկացվեն ադրբեջանա-թուրքական լայնածավալ զորավարժություններ ՏԵՍԱՆՅՈՒԹ

Ադրբեջանի և Թուրքիայի միջև ռազմական համագործակցության մասին համաձայնագրի համաձայն՝ Նախչըվանում տեղի է ունեցել Ադրբեջանի և Թուրքիայի պետական դրոշների փոխանակման արարողություն՝ «Անխորտակելի եղբայրություն-2025» համակարգչային աջակցությամբ հրամանատարաշտաբային զորավարժությունների և «Մուստաֆա Քեմալ Աթաթուրք-2025» համատեղ մարտավարական զորավարժությունների նախապատրաստման շրջանակներում։

Այս մասին Caliber.Az-ին տեղեկացրել են Ադրբեջանի պաշտպանության նախարարությունում։

Առանձին համազորային բանակի դրոշակակիր դասակը սկսել է երթը Արազ գետի վրայով անցնող Ումիդ կամրջով՝ Սադարակի սահմանային անցակետի ուղղությամբ։ Միևնույն ժամանակ, Թուրքիայի Հանրապետության դրոշակակիր դասակը սկսել է երթը Աղրը նահանգի Դողուբայազիթ շրջանից՝ արարողության վայրի ուղղությամբ։

Ադրբեջանի Հանրապետության և Թուրքիայի Հանրապետության պետական օրհներգների կատարումից հետո Ումիդ կամրջի վրա տեղի է ունեցել պետական դրոշների փոխանակման արարողություն։

Այնուհետև զորավարժություններին մասնակցող ստորաբաժանումներն ու ռազմական տեխնիկան սահմանային անցակետից ուղևորվել են Նախչըվան։

Զորավարժությունների պլանի համաձայն՝ տանկային, մեխանիզացված և կոմանդոսի ստորաբաժանումները կիրականացնեն տարբեր ուսումնամարտական առաջադրանքներ՝ հրետանու, հակաօդային պաշտպանության ստորաբաժանումների և ավիացիայի աջակցությամբ։