Ալի Ասադովը աշխատանքային այցով ժամանել է Իրան

Ադրբեջանի վարչապետ Ալի Ասադովն աշխատանքային այցով ժամանել է Իրան։
 
Այս մասին Caliber.Az-ին հայտնել են Նախարարների կաբինետից։
 
Թեհրանի «Մեհրաբադ» օդանավակայանում Ա.Ասադովին դիմավորել են՝ Իրանի ճանապարհների և քաղաքաշինության նախարար, Ադրբեջանի և Իրանի միջև տնտեսական, առևտրի և հումանիտար համագործակցության պետական ​​հանձնաժողովի համանախագահ Ֆարզանե Սադիգը, այլ պաշտոնատար անձինք:
 
Այցի շրջանակներում վարչապետ Ա.Ասադովը կմասնակցի Կասպիական 3-րդ տնտեսական համաժողովին։