Նամազով. Ֆրանսիան կարող է Հայաստանին մղել Ադրբեջանի դեմ ռազմական սադրանքի

Հայաստանը, Ֆրանսիայի աջակցությամբ, կարող է ռազմական սադրանքի դիմել Ադրբեջանի դեմ:

Ինչպես հաղորդում է Report-ը, այս մասին Միլլի Մեջլիսում հանրային քննարկումների ժամանակ հայտարարել է Արտաքին միջամտության և հիբրիդային սպառնալիքների հակազդման ժամանակավոր խորհրդարանական հանձնաժողովի նախագահ Ռամիդ Նամազովը։

Նրա խոսքով, տարածաշրջանում Ֆրանսիայի գործողությունները ցույց են տալիս, որ Հարավային Կովկասում հակամարտության նոր օջախների ստեղծումը կարող է զարգանալ երկու սցենարով.

«Առաջին սցենարն այն է, որ Հայաստանը Ֆրանսիայի աջակցությամբ ռազմական սադրանքի է դիմում Ադրբեջանի դեմ, որը նոր պատերազմ է հրահրում տարածաշրջանում, երկրորդ սցենարը Հայաստանի ներգրավումն է այն գործողություններին, որոնք Արևմուտքը կանցկացնի հարևան երկրներից մեկի, օրինակ՝ Իրանի դեմ»։