Ասադովը՝ Բաքվի և Թբիլիսիի միջև ռազմավարական գործընկերության մասին

Ադրբեջանի և Վրաստանի միջև բարեկամությունը հանդիսանում է՝ տարածաշրջանում կայունության և զարգացման կարևոր գործոններից մեկը։
 
Report-ի փոխանցմամբ՝ այս մասին հայտարարել է Ադրբեջանի վարչապետ Ալի Ասադովը՝ Թբիլիսիի «Մետաքսի ճանապարհ» 5-րդ ֆորումի բացման ժամանակ։
 
Նրա խոսքով՝ ընդամենը մի քանի տարվա ընթացքում այս ֆորումը լիովին հաստատվել է որպես հեղինակավոր և արդյունավետ միջազգային հարթակ՝ տարածաշրջանային և համաշխարհային օրակարգի կարևոր հարցերը քննարկելու համար։
 
Ասադովը նշել է, որ աշխարհում դիտարկվող  վերջին գործընթացները, մասնավորապես՝ տնտեսական համագործակցության և տրանսպորտի ոլորտում առկա մարտահրավերները, ավելի  հստակորեն են ցույց տալիս ֆորումի արդիականությունն ու նշանակությունը։
 
Նա ընդգծել է, որ Ադրբեջանը և Վրաստանը, գտնվելով Արևելքն ու Արևմուտքը կապող ռազմավարական «Մետաքսի ճանապարհ» տրանսպորտային երթուղու վրա, դարեր շարունակ կամրջի դեր են խաղացել Եվրոպայի և Ասիայի միջև՝ զգալի ներդրում ունենալով առևտրատնտեսական կապերի զարգացման և մշակութային ու մարդասիրական փոխանակումների ամրապնդման գործում։
 
Վարչապետը ընդգծել է, որ այսօր Ադրբեջանն ու Վրաստանը նոր  բովանդակությամբ են շարունակում այս պատմական առաքելությունը՝ առաջատար դեր խաղալով տարածաշրջանային համագործակցության ամրապնդման գործում, հանդես գալով որպես Եվրասիական տարածքում նոր տրանսպորտային և լոգիստիկ երթուղիների ձևավորման հիմնական մասնակիցներ։