Բաքուն և Ռիգան համաձայնեցրել են միջկառավարական հանձնաժողովի նիստի անցկացման ամսաթիվը

Ադրբեջանն ու Լատվիան պայմանավորվել են՝ տնտեսական, գիտատեխնիկական և մշակութային համագործակցության վերաբերյալ ադրբեջանա-լատվիական միջկառավարական հանձնաժողովի (ՄԿՀ) հաջորդ, իններորդ  նիստի անցկացման օրը՝ մայիսի 12-ին Բաքվում։

Ինչպես հայտնում է Caliber.Az-ը՝ Լատվիայի գյուղատնտեսության նախարարությանը հղումով, այս հարցը քննարկվել է՝ գերատեսչության ղեկավար Արմանդս Կրաուզեի և Ռիգայում Ադրբեջանի դեսպան Էլնուր Սուլթանովի հանդիպման ժամանակ։
 
Կողմերը քննարկել են Լատվիայի նախարարի Ադրբեջան նախատեսվող այցը, ինչպես նաև երկկողմ համագործակցության հեռանկարները։
 
«Հանդիպմանը հատուկ ուշադրություն է դարձվել՝ համագործակցության վերաբեյալ առաջարկներին, որոնք  ավելի վաղ ներկայացրել էր լատվիական կողմը։ Միևնույն ժամանակ Ադրբեջանը առանձնահատուկ հետաքրքրություն է հայտնել՝ անտառտնտեսության ոլորտում համագործակցության զարգացման հարցում»,- ընդգծվում է տեղեկատվության մեջ։