Բաքուն և Վաշինգտոնը քննարկել են անվտանգությունն ու էներգետիկան

Սեպտեմբերի 10-ին Ադրբեջանի արտաքին գործերի նախարար Ջեյհուն Բայրամովն ընդունել է՝ ԱՄՆ Պետդեպարտամենտի Եվրոպայի և Եվրասիայի հարցերով բյուրոյի ավագ ներկայացուցիչ Բրենդան Հանրահանին։
 
Արտաքին գործերի նախարարությունից Caliber.Az-ին հայտնել են, որ հանդիպմանը քննարկվել են՝ Ադրբեջան-ԱՄՆ հարաբերությունները, ռազմավարական գործընկերության խարտիա պատրաստելու համար ռազմավարական աշխատանքային խմբի ստեղծումը, Ադրբեջանի և Հայաստանի միջև հարաբերությունների կարգավորման գործընթացը, ինչպես նաև փոխադարձ հետաքրքրություն ներկայացնող տարածաշրջանային և միջազգային անվտանգության հարցեր։
 
Կողմերը մտքեր են փոխանակել՝ Ադրբեջան-ԱՄՆ հարաբերությունների պատմության և մի շարք ոլորտներում, այդ թվում՝ անվտանգության և էներգետիկայի ոլորտներում, փոխշահավետ համագործակցության վերաբերյալ և նշել, որ օգոստոսին կայացած բարձր մակարդակի շփումները կարևոր դեր են խաղացել կապերի զարգացման գործում։
Ընդգծվել է Վաշինգտոնում ձեռք բերված պատմական համաձայնագրերի կարևորությունը, որոնք ուղղված են Ադրբեջանի և Հայաստանի խաղաղության օրակարգի առաջխաղացմանը, խաղաղության պայմանագրի նախաստորագրմանը և ավարտված հակամարտության մնացորդներ հանդիսացող կառույցների վերացմանը։