Բաքվի ռազմական դատարանում դատախազը պատմել է մեղադրյալների հանցավոր կազմակերպությունում ունեցած դերի մասին Հայաստանի քաղաքացիների դատավարություն

Այսօր Բաքվի ռազմական դատարանում շարունակվել է Հայաստանի  քաղաքացիների քրեական գործով դատավարությունը։
 
AZERTAC-ի փոխանցմամբ՝ կողմերին հնարավորություն է տրվել իրենց պատասխանները ներկայացնել լսումների ժամանակ։
 
Գլխավոր դատախազի ավագ օգնական Վուսալ Ալիևն իր ելույթում անդրադարձել է՝ մեղադրյալների հանցավոր կազմակերպությունում ունեցած դերի  վիճարկմանը։
 
Նա հիշեցրել է, որ միջազգային պրակտիկայի համաձայն՝ հանցավոր կազմակերպությունը ստեղծվում է քրեական հանցագործություններ կատարելու նպատակով։
 
Դատախազի խոսքով,  դատավարության ընթացքում ուսումնասիրված ապացույցները հաստատել են, որ վերոնշյալ հանցավոր խմբերը սկսել են ձևավորվել՝ Առաջին Ղարաբաղյան պատերազմի սկսվելուց մի քանի տարի առաջ. «Ուսումնասիրված ապացույցները ցույց տվեցին, որ այս խմբերը իսկապես աջակցություն և զենք են ստացել Հայաստանի ղեկավարությունից։ Հետագայում այս զինված խմբերի ղեկավարներն ու անդամները կարևոր քաղաքական և ռազմական «պաշտոններ» են զբաղեցրել ինքնահռչակ կազմավորումներում՝ Ադրբեջանի օկուպացված տարածքներում, ինչպես նաև Հայաստանում։
 
Այլ կերպ ասած, այս խմբերը պատահական չեն եղել, այլ հետագայում դարձել են ադրբեջանական տարածքները գրաված հանցավոր բանակի մաս։
 
Ինչ վերաբերում է մեղադրյալներին, օրինակ՝ Դավիթ Մանուկյանը Շուշայի գումարտակի անդամ էր, իսկ Դավիթ Իշխանյանը՝ Մարտունու 28-րդ գումարտակի հրամանատարը։ Այս և մյուս գումարտակներ վերանվանվել են, ավելի կազմակերպված և ռազմականացված վերոնշյալ անօրինական խմբերի ձևերով։
 
Նշենք, որ Հայաստանի քաղաքացիները մեղադրվում են խաղաղության և մարդկության դեմ հանցագործությունների, ռազմական հանցագործությունների, այդ թվում՝ ագրեսիվ պատերազմի նախապատրաստման և վարման, ցեղասպանության, պատերազմի օրենքների և սովորույթների խախտման, ահաբեկչության, ահաբեկչության ֆինանսավորման, իշխանության բռնի զավթման և պահպանման և բազմաթիվ այլ հանցագործությունների մեջ։