Բայրամովը մասնակցել է ԱՊՀ արտաքին գործերի նախարարների խորհրդի նիստին

Ադրբեջանի արտաքին գործերի նախարար Ջեյհուն Բայրամովը Տաջիկստանի մայրաքաղաք Դուշանբեում մասնակցել է՝ Անկախ Պետությունների Համագործակցության (ԱՊՀ) արտաքին գործերի նախարարների խորհրդի նիստին։
 
Caliber.Az-ի փոխանցմամբ, այս մասին Х սոցիալական ցանցում հայտնել է՝ Ադրբեջանի արտաքին գործերի նախարարության մամուլի ծառայությունը։
 
Արտգործնախարարը, ընդգծելով Ադրբեջանի նվիրվածությունը մշակութային դիվանագիտությանը, հանդիպման մասնակիցներին տեղեկացրել է՝ սեպտեմբերի 28-ից հոկտեմբերի 8-ը Ադրբեջանում անցկացված 3-րդ ԱՊՀ խաղերի հաջող կազմակերպման մասին և երախտագիտություն հայտնել Լաչինի՝ որպես 2025 թվականի ԱՊՀ մշակույթի մայրաքաղաքի թեկնածությանը աջակցելու համար։
 
Անդրադառնալով անվտանգության մարտահրավերներին, նախարարն ընդգծել է՝ ահաբեկչության, ծայրահեղականության և միջազգային կազմակերպված հանցագործության դեմ պայքարի համակարգված ջանքերի անհրաժեշտությունը։
 
Խոսելով Չեռնոբիլի ողբերգության 40-ամյակի  մասին՝ Ջեյհուն Բայրամովը հիշեցրել է դրա երկարաժամկետ մարդասիրական և բնապահպանական հետևանքները և հարգանքի տուրք մատուցել նրանց հիշատակին, ովքեր զոհվել են, ինչպես նաև փրկարարների, այդ թվում՝ Ադրբեջանի քաղաքացիների, որոնք մասնակցել են վթարի վերացման աշխատանքներին։