Բայրամովը սիրիացի գործընկերոջ հետ քննարկել է համագործակցության ընդլայնման հեռանկարները

Ադրբեջանի արտգործնախարար Ջեյհուն Բայրամովը՝ սիրիացի գործընկեր Ասադ ալ-Շայբանիի հետ քննարկել է համագործակցության ընդլայնման հեռանկարները։
 
Ինչպես տեղեկացնում է Caliber.Az-ը, այս մասին հայտնում է սիրիական Sana գործակալությունը։
 
Ըստ տեղեկությունների՝ հեռախոսազրույցի ընթացքում կողմերն ընդգծել են նաև՝ փոխադարձ հետաքրքրություն ներկայացնող հարցերի շուրջ գործողությունների համակարգման կարևորությունը։
 
«Նախարարները նշել են Սիրիայի կառավարությանն աջակցելու կարևորությունը՝ երկիրը վերակառուցելու և էներգետիկ ոլորտում կայունության հասնելու, ինչպես նաև քաղաքական և տնտեսական ոլորտներում համագործակցության ընդլայնման գործում: ԱԳՆ ղեկավարներն ընդգծել են՝ գերատեսչությունների միջև կապի ուղիների ակտիվացման և տարբեր մակարդակների այցելությունները խրախուսելու անհրաժեշտությունը»,- հայտնում է գործակալությունը։